Concello de Verín

Desde o departamento de Desenvolvemento Local infórmase da convocatoria de concurso-oposición para o ingreso na categoría de enfermeiro/a e médico de familia.

O vindeiro venres 08 de maio, ás 18 horas, terá lugar na Casa da Cultura de Verín o contacontos 'Lobo bobo' de Elefante Elegante, enmarcado no programa Cultura no Camiño, organizado pola Consellería de Cultura, Educación e Ordenación Universitaria coa colaboración da Biblioteca Pública Municipal de Verín (no caso de que tivese lugar algún acto electoral a actividade sería trasladada ás instalacións da Biblioteca).

Os días 19, 20 e 21 de xuño terá lugar en Verín un curso de iniciación á apicultura, organizado pola Asociación Galega de Apicultura, coa colaboración do Centro de Desenvolvemento Cooperativo de Verín e Rede Eusumo (na que está incluída a oficina de Desenvolvemento Local do Concello de Verín).

Desde o departamento de Desenvolvemento Local do Concello de Verín infórmase da publicación da resolución do 27 de abril de 2015 pola que se fai público o acordo do Consello de Dirección polo que se modifican as bases reguladoras dos préstamos Jeremie-Igape previstos no programa operativo Feder Galicia 2007-2013, en beneficio de pequenas e medianas empresas e microempresas cofinanciadas polo Fondo Europeo de Desenvolvemento Rexional. Máis información no seguinte enlace.

Mañá venres 01 de maio, como vén sendo habitual desde os anos oitenta, a praza da Alameda de Verín acollerá a Festa dos Maios.

Desde as 11 da mañá e até o mediodía está prevista a exhibición dos maios tradicionais e artísticos que confeccionaron a Asociación Verinense de Amigos da Música, a Asociación Cultural Alto Támega, o CPR Plurilingüe María Inmaculada, o CEIP Princesa de España e o CEIP Amaro Refojo.