Concello de Verín

Un total de 837 persoas participaron activamente na quinta edición da proba popular deportiva de 'Pozo do Demo' organizada polo Concello de Verín e a Asociación de Sendeirismo Ruta das Augas.

A casa consistorial de Verín acolleu esta mañá a presentación do Concerto de Música Solidaria, a cargo do rexedor Juan Manuel Jiménez, o concelleiro Víctor Baladrón, D. Óscar Martínez, párroco de Verín e representante de Cáritas no acto, e José Manuel Salgado, director do Conservatorio Elemental de Música de Verín.

No contorno do Pozo do Demo, atópase o xacemento arqueolóxico do Bouzadoiro que nas vindeiras semanas será recuperado por parte do Concello de Verín, co obxecto de poñelo en valor así como o espazo natural e paisaxístico no que está situado.

O vindeiro venres 24 da abril, de 18 a 19.30 horas, a Biblioteca Pública Municipal de Verín programa a iniciativa ‘Día do Libro’, no marco da programación de actividades programadas con motivo da iniciativa 'Abril, mes dos Libros' e as de fomento da lectura e dinamización da instalación municipal.

Aínda que pouco se escoita falar xa de Gaza, a poboación da franxa segue a padecer as graves consecuencias da ofensiva israelí do pasado verán, polo que o Fondo Galego de Cooperación e Solidariedade vén de achegar 10.000 euros á Axencia de Nacións Unidas para os Refuxiados de Palestina (UNRWA-España) para o seu programa de atención psicosocial, como xa fixera en 2014. Estímase que esta doazón podería financiar o tratamento psicolóxico de 33 nenas e nenos durante un ano, alén de apoiar terapias grupais e outro tipo de actividades sobre saúde mental comunitaria.