Concello de Verín

A celebración da tradicional xornada de feira do 03 de abril, que coincide nesta ocasión co Venres Santo, trasládase ao sábado 04. Esta decisión foi acordada tras a realización dunha enquisa por parte da Asociación de Empresarios de Verín (AEVER-CCU Verín) na que os/as comerciantes da localidade decidiron escoller esa data.

Os alcaldes de Verín e Vilardevós, Juan Manuel Jiménez e Manuel Cardoso, presentaron esta mañá a posta en funcinonamento dunha 'Unidade de condutas aditivas', unha iniciativa impulsada desde os dous municipios co obxecto de fomentar o estilo de vida saudable, no marco do programa de prevención da drogodependencia e outras condutas adictivas no eido local, que conta co apoio da Consellería de Sanidade da Xunta de Galicia.

Durante as xornadas da Feira do Lázaro e Certame Gastronómico 'Vila de Verín', o Club da Calceta 'Tecendo Soños' da Escola de Familia Municipal promoveu unha iniciativa solidaria destinada a venda de artigos de calceta e bixutería, doados polas persoas que o integran, co obxecto de recadar fondos destinados a alimentación infantil.

Este mércores 01 de abril, o Club Xuventude Verín coa colaboración da Federación Galega de Baloncesto e o Concello de Verín promove a charla formativa 'Secuencias de ataque colectivo en iniciación'.

O presidente da Xunta, Alberto Núñez Feijóo, e o alcalde de Verín, Juan Manuel Jiménez Morán, inauguraron hoxe a ampliación do parque empresarial de Pazos, que incrementa a súa superficie en 70.500 m².