Concello de Verín

O presidente da Xunta, Alberto Núñez Feijóo, e o alcalde de Verín, Juan Manuel Jiménez Morán, inauguraron hoxe a ampliación do parque empresarial de Pazos, que incrementa a súa superficie en 70.500 m².

O rexedor de Verín, Juan Manuel Jimenéz Morán, acompañou na xornada de hoxe a  conselleira de Sanidade, Rocío Mosquera, na súa visita ao Hospital de Verín para comprobar as medidas adoptadas no marco do Plan de Eficiencia Enerxética para os hospitais públicos.

Durante as últimas xornadas, desde a Agrupación de Voluntarios de Protección Civil do Concello de Verín desenvolvéronse diferentes iniciativas educativas, en materia de primeiros auxilios, destinadas a colectivos de estudantes de centros educativos do muncipio.

A partir do mes de abril, o Concello de Verín súmase ao circuíto ‘Cinemas de Galicia’, a rede municipal de exhibición cinematográfica impulsada pola Axencia Galega das Industrias Culturais (Agadic), na que tamén se atopan Carballiño, Foz, As Pontes, Ortigueira, Redondela e Sanxenxo.

Desde o departamento de Desenvolvemento Local do Concello de Verín infórmase da publicación da resolución do 19 de marzo de 2015, do Instituto Galego de Promoción Económica, pola que se procede á publicación dos requirimentos de emenda das axudas para novos emprendedores, cofinanciadas polo Fondo Europeo de Desenvolvemento Rexional, no marco do programa operativo Feder Galicia 2007-2013. Ver no seguinte enlace.