Concello de Verín

Desde Desenvolvemento Local do Concello de Verín infórmase da resolución do 17 de xuño de 2013 pola que se conceden subvencións, en réxime de concorrencia non competitiva, a proxectos de enerxías renovables, con financiamento procedente de fondos comunitarios derivados do programa operativo Feder-Galicia 2007-2013, incluídos na convocatoria efectuada mediante Resolución do 9 de abril de 2013 (Diario Oficial de Galicia número 76, do 16 de abril).

Os alcaldes de Verín e Vilardevós, Juan Manuel Jiménez Morán e Manuel Cardoso Pérez, e o xefe de Servizo de Promoción de Emprego, Antonio González Amaro, entregaron esta mañá os diplomas aos/ás  alumnos/as do obradoiro de emprego 'Pozo do Demo'.

O Concello de Verín e Axencia Turismo de Galicia subscribirán un convenio de colaboración, autorizado mediante un proxecto de acordo aprobado no último Consello da Xunta, para a  execución  das obras de  adecuación  da  Casa da  Xuventude para  a súa utilización como sala de exposicións e oficina  de turismo.

A Eurocidade Chaves-Verín acollerá, os vindeiros tres fines de semana, tres Maratóns de Fútbol-Sala nos que participarán xogadores portugueses e españois.

Desde Desenvolvemento Local do Concello de Verín infórmase da publicación orde, da Consellería do Medio Rural e do Mar, do 13 de xuño de 2013 pola que se establecen as bases reguladoras das axudas para a modernización das explotacións agrarias, para a incorporación de mozos á actividade agraria, e para o fomento da utilización de instalacións e equipamentos en común para a mellora dos procesos produtivos en réxime asociativo cofinanciadas co Fondo Europeo Agrícola de Desenvolvemento Rural (Feader) no marco do PDR de Galicia 2007-2013, e se convocan para o ano 2013.