Concello de Verín

O departamento de Servizos Socias do Concello de Verín, en colaboración coa ONG Solidariedade Galega co Pobo Saharauí, participa no programa de acollida vacacional 'Vacacións en Paz', que se desenvolve, como todos os anos, durante os meses de xullo e agosto. No mesmo participan familias verinenses, que ao longo destes meses, acollen a  nenos/as do Sahara Occidental. Para o ano 2013 hai una praza vacante para unha familia do municipio de Verín. Os/As interesados en sumarse a esta iniciativa deben contactar, a maior brevidade posible, co departamento de Servizos Sociais do Concello de Verín (situado na Casa da Xuventude -Avenida de Portugal, nº 11 bus) ou no teléfono 988-414776 -se seleccionará a primeira familia apta que presente a solicitude-.

O Día Internacional da Lingua Materna, instituído pola Unesco no ano 1999, convídanos a contemplar a diversidade lingüística humana coma unha vantaxe que contribúe tanto á riqueza cultural coma ao desenvolvemento dos pobos.

A Concellería de Deportes segue a traballar na consolidación do Club de Natación de Verín, creado na pasada lexislatura polo actual grupo de goberno, e que está conformado por un total de 16 nenos/as inscritos de modo directo e outros 14 máis integrantes dos diferentes cursos de natación da Piscina Climatizada de Verín, que conta na actualidade cuns 392 menores.

O Centro Asociado da Universidad Nacional a Distancia (UNED) en Ourense e o departamento de Educación Familiar do Concello de Verín promoven a realización do curso “Mediación e xestión de conflitos”, que terá lugar entre os meses de marzo e abril e no que tamén colabora o CDR Portas Abertas e Foro La Región.

Desde Desenvolvemento Local do Concello de Verín infórmase da publicación da orde do 26 de decembro de 2012 pola que se convocan probas para a obtención de determinados carnés profesionais e habilitacións profesionais no ano 2013.