Concello de Verín

Desde o 6 ao 9 de novembro, doce alumnos/as do Instituto VUC de Lynby (Copenhague), acompañados de profesores/as, unha vintena de estudantes do IES Taboada Chivite e educadores do mesmo centro visitan a Eurocidade Chaves-Verín, para continuar a desenvolver proxecto 'Xóvenes estudantes en Europa', enmarcado dentro do programa educativo Comenius.

A Biblioteca Pública Municipal de Verín acolle mañá 7 de novembro, ás 19.30 horas, a presentación do libro Oídos que no escuchan, ojos que no quieren ver de Francisco Iglesias Martínez

O vindeiro venres 09 de novembro, de 18 a 19.30 horas, a Biblioteca Pública Municipal de Verín programa a iniciativa 'Contos de Magosto', no marco da programación de actividades destinadas ao fomento da lectura e dinamización da instalación municipal.

A sede da Eurocidade Chaves-Verín (antiga aduana española de Feces de Abaixo -Verín-) acollerá o vindeiro 6 de novembro, ás 19 horas (horario local), a conferencia-coloquio 'Sayago Peregrino: Ruta do Unicornio'.

Ata o vindeiro 5 de novembro, ás 14 horas, estará aberto o prazo de inscrición para participar no 'Foro xuvenil transfronteirizo', organizado na Eurocidade Chaves-Verín pola Dirección Xeral de Xuventude e Voluntariado, en colaboración co Instituto Portugués de Deporte e Xuventude, Eurocidade Chaves-Verín, Câmara Municipal de Chaves e Concello de Verín.