Concello de Verín

O próximo día 28 de febreiro, na Eurocidade Chaves-Verín, reunirase a Asemblea Xeral da Rede Ibérica de Entidades Transfronteirizas, RIET, entidade que agrupa á totalidade dos organismos transfronteirizos da fronteira hispano-lusa. Dous temas confiren unha especial relevancia a esta reunión.

Desde Servizos Sociais do Concello de Verín infórmase da publicación das bases polas que se rexerá a concesión da prestación económica de pagamento único por fillas e fillos menores de tres anos para o ano 2012.

Na xornada de hoxe, dous mozos da localidade de Verín recibiron as súas respectivas vivendas de promoción pública cualificada situadas na rúa Costa 10-12 (Barrio de San Lázaro) de Verín, adxudicadas polo Instituto Galego de Vivenda e Solo, coa presenza do rexidor verinense Juan Manuel Jiménez Morán.

O vindeiro mércores 15 de febreiro, de 18 a 19.30 horas, a Biblioteca Pública Municipal do Concello de Verín promove un obradoiro de maquillaxe infantil e globoflexia, no marco da programación de actuacións de fomento da lectura e dinamización da instalación municipal.

A Concellería de Deportes segue a traballar na consolidación do Club de Natación de Verín, creado na anterior lexislatura polo actual grupo de goberno, e que está conformado por unha trintena de nenos/as integrantes dos diferentes cursos de natación da Piscina Climatizada de Verín, que conta na actualidade con máis de 350 menores.