Concello de Verín

As 50 familias da localidade de Baleia, no municipio caboverdiano de Brava, dispoñen xa de auga corrente grazas ao proxecto cofinanciado en 2010 polo Fondo Galego de Cooperación e Solidariedade. A iniciativa repercutirá na mellora da calidade de vida da poboación e axudaralle a saír da precariedade mediante actividades agropecuarias, que son tradicionais na zona pero que se vían afectadas pola carestía da auga.

O alcalde de Verín, Juan Manuel Jiménez Morán, e a concelleira da Câmara de Chaves, Maria de Lurdes Campos, visitaron esta tarde a Residencia de Anciáns Santa María de Verín para entregar alimentos non perecedoiros ás persoas maiores que residen no mesmo.

Na xornada de hoxe 4 de xaneiro, a localidade de Verín acolleu unha nova reunión do Grupo de Traballo da Eurocidade Chaves-Verín, na que Alfonso Rueda Valenzuela, conselleiro de Presidencia, Administracións Públicas e Xustiza aceptou a presidencia do mesmo e tamén se repartiron os primeiros carnés de Eurocidadáns aos representantes institucionais presentes.

A partir de mañá, 5 de xaneiro, os/as nenos/as verinenses afeccionados/as ao baloncesto poderán recoller, na oficina de información do Concello de Verín, entradas gratuítas para o partido de baloncesto entre o Club Ourense Baloncesto-Aguas de Sousas e Clínicas Rincón Axarquía.

O director xeral de Emerxencias e Interior, Santiago Villanueva Álvarez, e o alcalde do Concello de Verín, Juan Manuel Jiménez Morán, presentaron esta mañá o novo automóbil para o servizo de Protección Civil, cedido pola Consellería de Presidencia, Administracións Públicas e Xustiza.