Concello de Verín

Desde o 4 ao 8 de abril, vintecatro alumnos do Istituto Tecnico Industriale 'E. Fermi' de Barletta (Italia) e Plunge Senamiescio Secondary School de Plunge (Lituania), acompañados de profesores, once estudantes do IES García Barbón e educadores do mesmo centro visitan a Eurocidade Chaves-Verín, para clausurar o proxecto 'Explorando a Similitude e Diferencia', enmarcado dentro do programa educativo Comenius.

O vindeiro día 3 de abril de 2011, o Concello de Verín e a Asociación de sendeirismo Ruta das Augas organizan 1ª Carreira-Andaina de Monte ‘Pozo do Demo’, que pasará polas rúas Irmáns Moreno, Espido e Manuel Taboada Cid.

A Asociación Española Contra o Cancro (AECC) na provincia de Ourense está a establecer unha Rede de Concellos pola deshabituación tabáquica. Para que o Concello de Verín poda adherirse a esta rede necesitase saber cantos verinenses estarían interesados/as en deixar de fumar mediante intervención grupal con tratamento psicolóxico, un formato que a AECC ten avalado con éxito desde hai dez anos no ámbito nacional.

Durante os días 31 de marzo e 1 de abril, a Faculdade de Ciencias Políticas e Sociología da Universidade Complutense de Madrid, acolle a realización do Congreso ‘Fronteiras Ibéricas’ no que se presentará un póster científico da Eurocidade Chaves-Verín.

Un total de setenta e un nenos/as de Verín participaron, o pasado 26 de marzo, na Fase Local do Torneo de Natación organizado por Xogade (Xogos Galegos Deportivos) e o Servizo de Deportes do Concello de Verín.