Concello de Verín

Mañá 18 de agosto, a partir das 20.30 horas, terá lugar na Casa da Cultura de Verín a charla-coloquio ‘A depresión e o estrés’, impartida por José Luis Rodríguez Rodríguez, psicopedagogo e profesor da Universidade de Vigo (Campus de Ourense). Esta actividade, englobada dentro do programa Concellos Saudables e organizada polo Concello de Verín, amosará aos presentes as causas da depresión e o estrés, así como as solucións para previlo e tratalo mediante o exercicio físico.

A Eurocidade Chaves-Verín e a Biblioteca Pública Municipal do Concello de Verín organizan o I Torneo Internacional de Xadrez, co fin de incentivar o intercambio social entre as poboacións das dúas localidades, espertar o interese pola cultura e promover unha ocupación saudable do tempo de lecer entre a “eurocidadanía”.

A Consellería de Medio Ambiente, Territorio e Infraestruturas, en colaboración co Concello de Verín, mantén durante os meses de verán o servizo de NoiteBús, durante os fins de semana e festivos, co obxectivo de ofrecer unha alternativa de transporte a lugares en datas e horarios vinculados ao tempo de lecer, e así reducir a sinistralidade nas estradas.

Un total de douscentos mozos e mozas do municipio de Verín participaron, na xornada do sábado, na campaña ‘Condutor Alternativo’, posta en marcha polas Direccións Xerais de Xuventude e Voluntariado e de Mobilidade; e que ten como fin a sensibilización da mocidade baixo a máxima “un 0% de alcohol ao volante e a aposta polo condutor alternativo”.

A campaña do ‘Condutor alternativo’, posta en marcha polas Direccións Xerais de Xuventude e Voluntariado e de Mobilidade, que ten como obxectivo a sensibilización da mocidade baixo a máxima “un 0% de alcohol ao volante e a aposta polo condutor alternativo” trasládase este fin de semana a Verín.