Concello de Verín

A concelleira de Cultura, María Corona Meixeira Romasanta, e Jesús Pérez, técnico da Asociación Galega de Empresas de Tecnoloxías de Información e Comunicación (Agestic) inauguraron o espazo escénico do proxecto 'Brújula', que se desenvolverá na praza García Barbón de Verín, durante a xornada de hoxe.

O Conservatorio Elemental de Música de Verín abre o seu prazo de preinscrición de matrícula do curso oficial 2009-2010, para nenos/as que teñan oito anos ou os cumpran antes do 1 de xaneiro de 2010.
   

O alcalde de Verín, Juan Manuel Jiménez Morán, e os concelleiros de Cultura e Deporte, Corona Meixeira Romasanta e Víctor Baladrón Lamas, respectivamente, presentaron a nova web da Biblioteca Pública Municipal do Concello de Verín. Este site, ao que se pode acceder dende a web municipal -www.verin.es-, está realizado en galego, castelán e portugués; e os usuarios poden atopar información sobre os seguintes aspectos: catálogo on line (OPAC), Compendio Educativo na Rede (CER), normativa, novedades e actividades realizadas no interior da mesma, campañas de animación á lecutra ou biografía e obra dos escritores da comarca de Verín, entre outros.
 

A Biblioteca Pública Municipal de Verín organiza un Concurso de Narrativa, co fin de fomentar a escritura es os valores culturais e deportivos entre os/as nenos/as da comarca.  Neste concurso poderán participar todos os/as usuarios/as que o desexen, matriculados en centros docentes da comarca de Verín ou do municipio de Chaves, con idades comprendidas entre os 10 e os 14 anos.