Concello de Verín

Co remate do verán, o Museo de Verín fai balance da súa actividade dende a reapertura das súas portas o pasado mes de xuño. Tras estes meses, o total de visitantes superou a barreira dos 1.750, incluíndo turistas procedentes de Portugal, Alemaña, Holanda, Francia ou incluso Florida. Sen embargo, un ano máis, cobrou especial importancia a cifra de visitantes nacionais, amosando a tendencia do cambio de modelo cara un turismo de proximidade. Outra porcentaxe importante dos visitantes corresponde aos veciños e veciñas da comarca, que continúan a ver o centro coma un referente cultural e unha institución capaz de complementar a axenda de ocio local.

 Un total de 375 persoas (150 na actividades enfocadas  aos centros educativos e 225 non resto de conferencias) participaron nas actividades programadas na IV edición  Xornadas de Novela Histórica de Verín. Desde a organización do evento cualifican este resultado como un “exito total de participación”, ademais de ser  un claro indicativo de que este evento está xa totalmente consolidado na axenda cultural da vila do Támega.

 A concellaría de Deportes do Concello de Verín abre, do 4 ao 15 de outubro, prazo de inscrición para o curso de Ximnasia Rítmica 2021/2022. A lista de admitidos confeccionarase por rigorosa orde de presentación das solicitudes. Para a prestación do servizo de cada unha das modalidades deportivas ofertadas será necesario que a porcentaxe de rexistrados na actividade consiga o mínimo pertinente considerado pola organización.)

Esta tarde tivo lugar a inauguración oficial da IV edición das “Xornadas de Novela Histórica” de Verín. A presentación das xornadas correu a cargo de Manuel Mandianes, Doutor en antropoloxía, teoloxía, ciencias politicas, científico titular do CSIC e director do Instituto de Estudos Sociais en Barcelona e de Emilia Somoza, concelleira de Educación, Cultura e Festexos.

 O Concello de Verín, ABANCA e Afundación asinaron esta mañá un convenio de colaboración cultural mediante o cal as tres entidades levarán a cabo a exposición “A arte  do gravado de Picasso a Barceló”.