Concello de Verín

O Concello de Verín vén de anunciar un paquete de accións promocionais deseñadas coa finalidade de manter viva a chama do Entroido de Verín neste ano marcado pola pandemia provocada pola Covid-19. Á repartición de mascarillas temáticas do Entroido realizada hoxe nos centros educativos de Verín, súmanselle unha campaña de visibilización nas plataformas dixitais institucionais e a distribución entre os establecementos comerciais de Verín de pancartas para os balcóns e chapas, destinadas aos veciños e veciñas de Verín.

 A Biblioteca Municipal do Concello de Verín adapta a súa programación a actual situación sanitaria organizando un total de sete videoconferencias, de temáticas variadas, entre os meses de febreiro e xuño do ano 2021. Tamén poñerán a disposición do centros escolares da vila visitas virtuais polas súas instalacións.

 A día de hoxe, venres 29 de xaneiro, a cifra de casos activos por COVID-19 no Concello de Verín é de 164 persoas.

Xa están en vigor as novas medidas de prevención decretadas pola consellería de Sanidade da Xunta de Galicia para controlar a pandemia.

 O Concello de Verín activa mañá un protocolo de medidas destinadas a limitar ao mínimo as interaccións, as relacións sociais e a mobilidade dos veciños e veciñas da vila coa finalidade de  previr a expansión da Covid-19. Esta normativa estará vixente nas instalacións que continúan abertas: a Casa do Concello, a sede de Servizos Sociais e a oficina da  Policía Local.