|
A zona do San Antón de Ábedes (Verín) acolleu o sábado 9 de abril a realización da II Copa Galega de Trial, organizada polo Club Trial Entrimo en colaboración co Concello de Verín dentro das actividades programadas para a Feira do Lázaro e o Certame Gastronómico 'Vila de Verín'.
Na competición participaron oito nenos/as, con idades comprendidas entre os 5 e 12 anos, que competiron nas categorías de xuvenil e alevín. Na primeira delas a clasificación foi a seguinte: Gabriel Marcelli Carballido (1º), Martín Riobó Hermelo (2º), Pablo Delgado Pérez (3º), Alén Damil García (4º) e Yago Armesto López (5º). Mentres que na alevín a clasificación quedou deste modo: Vicente López-Perea Quiroga (º1), Ilena Fernández Cancelas (2º) e Mar García-Mares Santa-Cruz (3º).
Este evento foi organizado polo Concello de Verín e patrocinado por: Eurocidade Chaves-Verín, Inorde, Padroado de Turismo de Ourense, Deputación Provincial, Xunta de Galicia, Gadis, Cabreiroá, Construcciones Hnos. Carrajo, D.O. Monterrei, Saroni, Socitransa, Pirotecnia Xaraiva, La Caixa, Caja Rural de Zamora, Sousas, Vipeca, Baira Pousa, Estradas Galegas SL, Espina & Delfín, Losada Rotulación, Emi Álvarez, AEVER e AECOM.
|
