|
A Asociación de concellos das comarcas Monterrei e Conso Frieiras para o plan de competitividade turística e a Asociación de Empresarios de Turismo e Hostalería Portas de Galicia editou dous folletos promocionais sobre obxectivos, actores e produtos autóctonos do mesmo, que serán divulgados durante a Volta Ciclista España, que terá lugar do 20 de agosto (Benidorm) ao 11 de setembro (Madrid).
Durante a mesma, na que Verín será sede de inicio da etapa do día 31 de agosto, a Asociación de Empresarios de Turismo e Hostalería Portas de Galicia tamén contará cun stand promocional, conformado polos produtos gastronómicos máis significativos dos municipios integrantes neste Plan de Competitividade. Unha actuación que ten como obxectivo posicionar a marca 'Portas de Galicia' e divulgar, tanto a través dos folletos como do stand, a gastronomía autóctona desta zona asentada en produtos como: augas de Cabreiroá, Sousas e Fontenova, viños da Denominación de Orixe Monterrei, pemento de Oímbra, castaña de Galicia, androlla, tenreira ecolóxica e Torta do Cigarrón, entre outros.
O Plan de Competitividade 'Portas de Galicia' está desenvolvido pola S.X. de Turismo do Ministerio de Industria, Turismo e Comercio, Secretaría Xeral para o Turismo da Xunta de Galicia e doce concellos do territorio (Castrelo do Val, Cualedro, Laza, Monterrei, Oímbra, Riós, Verín, Vilardevós, A Gudiña, A Mezquita, Viana do Bolo e Vilariño de Conso), integrados na Asociación de Municipios para o Plan de Competitividade Turísticas das Comarcas de Monterrei e Conso Frieiras, e a Asociación de Empresarios de Turismo e Hostalería Portas de Galicia. Entre os obxectivos deste plan están a busca de especialización tanto no destino como no produto, deseñar unha oferta capaz de introducir a experiencia turística como elemento motivador do viaxe, así como a búsqueda da mellora da competitividade das PEMES e MPEMES turísticas para lograr a sostenibilidade do territorio.
|
Cidade 
