Concello de Verín

Desde Desenvolvemento Local do Concello de Verín infórmase da publicación da convocatoria de subvencións a entidades, empresas e profesionais, relacionados coa produción e a comercialización no sector agrario, que faciliten datos estatísticos e de prezos agrarios.

O obxecto é a convocatoria para o ano 2011 das subvencións a titulares de explotacións agrarias, que faciliten datos estatísticos e prezos agrarios para a elaboración das operacións estatísticas con fins estatais de realización obrigatoria polo Ministerio de Medio e Medio Rural e Mariño, por estar incluídas no Plan Estatístico Nacional.

Poderán ser beneficiarios as entidades ou empresas legalmente constituídas, así como profesionais relacionados coa produción e a comercialización agraria, que cumpran os seguintes requisitos técnicos:
- Ser entidades, empresas ou profesionais con implantación en mercados agrarios de ámbito provincial, rexional ou nacional.

- Dispoñer de capacidade técnica para presentar os datos coas formalidades requiridas pola normativa nacional e da Unión Europea, que sexa de aplicación en cada caso.

O prazo para a presentación destas solicitudes remata o 20 de outubro de 2011. Para formalizar a solicitude ver http://www.boe.es/boe/dias/2011/09/30/pdfs/BOE-A-2011-15435.pdf

Para máis información deben dirixirse á oficina de Desenvolvemento Local, situada no primeiro piso do Concello de Verín ou no teléfono 988-410000.