Concello de Verín

  • Decrease font size
  • Default font size
  • Increase font size
Home Cidade Novas O Museo de Verín recibe consolidada a mázcara da Xironda tras a súa restauración
O Museo de Verín recibe consolidada a mázcara da Xironda tras a súa restauración PDF Imprimir Correo-e
Domingo, 14 Febreiro 2021 13:07

O Museo de Verín vén de recibir a mázcara da Xironda, “nai” de moitos dos deseños das figuras do Entroido do Val de Monterrei, logo dun proceso de restauración, centrado basicamente na súa consolidación e conservación. Estímase que esta ancestral mázcara supera o século de historia, e xa está custodiada de novo no Museo da Mercede, onde está cedida temporalmente pola familia de Domingos Coello.

A mázcara, que presentaba danos polo uso e o paso do tempo, principalmente óxido e sequidade dos elementos orgánicos -pel-, foi obxecto dunha restauración moi conservadora co obxecto de garantir a súa preservación. A intervención consistiu na retirada da sucidade superficial, a rehidratación  dos soportes de madeira e pel, e a neutralización do óxido da folla de lata na que está executada a mitra.

A peza, que mide 52 centímetros de alto e 38 e ancho, consta dun reverso de pel curtida sen pelaxe, remendada con catro parches de liño. Malia que o seu estado xeral de conservación era moi bo, estaba moi seca e presenta gretas e engurras profundas, ademais de diferentes cosidos, así como oxidación na folla de lata.

Dende o Concello de Verín, especialmente neste anómalo ano de Entroido “en pause” pola pandemia, lembran a importancia da adecuada conservación dos elementos patrimoniais máis importantes da nosa tradición, tanto material como inmaterial, para os seu traslado ás vindeiras xeracións, e anima a todos os que estean en posesión de elementos arcaicos a que os poñan en coñecemento do Museo para a súa catalogación e, se cabe, restauración.

 

 

 
EBC


Centro de Dia

Guía da Comarca de Verín


Solicitude de Participación









CoronaVirus
Buzón do Cidadán

IOP Definitivo

PEID 2019

PEID Definitivo

Plan Xeral de Ordenación Urbana

Sede electrónica


A un click


Biblioteca Municipal








Visor Sixpac



?>