O CRA Monterrei deseña o Cartel Oficial “Desfile Infantil” do Entroido 2024 de Verín |
Xoves, 25 Xaneiro 2024 15:18 |
O CRA Monterrei deseña o cartel oficial que representará o vindeiro 'Desfile Infantil' do Entroido 2024, que percorre durante a mañá do Xoves de Comadres as rúas e prazas de Verín. Nesta ocasión, do mesmo xeito que nas anteriores edicións, os representantes dos centros educativos que participan no desfile decidiron, por unanimidade, que o deseño debía ser realizado polo colexio responsable da apertura do desfile, nesta ocasión, o CRA Monterrei.
O centro educativo recibirá un vale de 400 euros para material escolar e deportivo, a adquirir en establecementos do concello de Verín. |