Verín acolle o 14 de agosto unha nova edición das Xornadas de Folclore |
![]() |
![]() |
![]() |
Martes, 06 Agosto 2024 10:51 |
A nosa vila será, un ano máis, un dos escenarios da XXXIX edición das Xornadas de Folclore. Esta cita, que terá lugar o próximo 14 de agosto na Zona Verde de A Preguiza a partir das 22:30 horas, promete converter a provincia no epicentro da música e dos bailes tradicionais de todo o mundo. Nesta edición, Verín contará coas actuacións de destacados grupos como a Fundación Ballet Folclórico de Nobsa, de Colombia, que recreará cos seus bailes o impacto da historia colombiana en escenarios rexionais; tamén contaremos coa participación de Yuan Yuan Dance Group de Taiwán, que representarán na súa actuación as festas máis típicas do seu pobo; e o grupo SREM de Serbia, formado por máis de 200 membros e situado na cima da sociedade folclórica de Belgrado e Serbia. Estas actuacións, organizadas pola Deputación de Ourense e o Centro de Cultura Popular Xaquín Lorenzo, enmárcanse nunhas Xornadas que percorren toda a provincia de Ourense durante o mes de agosto, contan co apoio da Xunta de Galicia e neste caso coa colaboración do Concello de Verín, garantindo así a continuidade desta destacada celebración cultural na nosa vila. |