A cidade de Valladolid acollerá a celebración do Congreso Nacional sobre Abandono Escolar Temperán durante os días 6, 7 e 8 de outubro, no que participará o Concello de Verín como único representante da comunidade autónoma galega.

Durante a xornada do 7 de outubro participarán no apartado de ‘Experiencias das distintas Comunidades Autónomas’ Inmaculada Hervella Ramos, concelleira da área de Benestar, e María Ángeles González Villar, educadora social de Verín, co obxecto de explicar aos asistentes os plans e estratexias desenvolvidas para evitar ou mellorar o abandono escolar temperán.

Esta iniciativa, na que participarán máis de 350 congresistas, está organizada pola Consejería de Educación de la Junta de Castilla y León e o Ministerio de Educación; e ten como obxectivos fundamentais: garantir o desenvolvemento do Plan de Apoio á Aplicación da LOE, promover e facilitar a coordinación entre as Administracións Públicas en xeral e educativas en particular, órganos administrativos ou entidades implicadas na loita contra o abandono educativo temperán.