O venres 13 de abril, de 18 a 19.30 horas, a Biblioteca Pública Municipal de Verín organiza a iniciativa ‘Contos da Primavera’, no marco da programación de actividades destinadas ao fomento da lectura e dinamización da instalación municipal.
Día Internacional do Libro Infantil e Convivencia de voluntarios da Biblioteca de Verín
Xoves, 29 Marzo 2012 12:05
O vindeiro luns 2 de abril, a Biblioteca Pública Municipal de Verín, promove dúas actividades culturais e lúdicas con motivo do Día Internacional do Libro Infantil: colocación dun stand fronte ás instalacións da biblioteca, onde se colocarán os libros de literatura infantil-xuvenil (dependendo das condicións meteorolóxicas) e Xornada de Portas Abertas, co obxecto de ofertar a todos os/as interesados/as unha visita guiada e explicativa por estas instalacións municipais, na que tamén se amosarán os proxectos culturais e educativos realizados nos últimos anos.
O Pavillón de Deportes de Verín acolleu a quinta edición do Concurso de Gastronomía 'Cigarrón de Verín', englobado dentro da Feira do Lázaro e o Certame Gastronómico 'Vila de Verín', e no que participaron dezaoito concursantes -a maioría competindo por parellas- pertencentes a diferentes restaurantes, escolas de hostalería de Ourense e Chaves (Portugal) e a Asociación de Empresarios de Hostalería da Comarca de Monterrei (AECOM).
O venres 23 de marzo, de 18 a 19.30 horas, a Biblioteca Pública Municipal de Verín programa a novidosa iniciativa lúdico-cultural 'Contos á Carta', no marco da programación de actividades destinadas ao fomento da lectura e dinamización da instalación municipal.
Concurso 'Debuxos para o cartel do Día do Libro' en Verín
Xoves, 15 Marzo 2012 13:39
Coa finalidade promocionar o Día Internacional do Libro, as librerías de Verín conxuntamente coa Biblioteca Pública Municipal do Concello de Verín, convocan un concurso de debuxos para o cartel do Día Libro (23 de Abril).