O Fondo Galego sostén que “a crise non poderá coa solidariedade do municipalismo”
Luns, 23 Xaneiro 2012 11:01
A Comisión Executiva do Fondo Galego de Cooperación e Solidariedade vén de aprobar a declaración institucional “A crise non poderá coa solidariedade do municipalismo galego”. A entidade avoga por evitar que os actuais recortes orzamentarios afecten ás partidas destinadas polos Concellos e Deputacións á cooperación internacional, que pola súa xa escasa contía individual non poderían resolver en Galicia problemas substanciais, mentres que para os países do Sur perder esa suma de achegas significaría agrandar enormemente os déficits nas necesidades máis básicas.
Presentación do número especial 'Tranvía de Verín a Cabreiroá'
Venres, 20 Xaneiro 2012 14:06
A Casa da Cultura de Verín acolle mañá sábado día 21, ás 18 horas, a presentación dun número especial, dedicado ao 'Tranvía de Verín ao Balneario de Cabreiroá', da revista Cadernos de Istoria e Arqueoloxía Ferroviaria.
O CEIP Castrelo do Val, gañador do concurso do cartel ‘Desfile Infantil’
Mércores, 18 Xaneiro 2012 13:46
A Delegación Municipal de Festexos do Concello de Verín promoveu, por quinto ano consecutivo, un concurso para seleccionar o cartel oficial do “Desfile Infantil”. Nesta edición participaron o CEIP Castrelo do Val, Colexio María Inmaculada e CEIP Amaro Refojo. Cada un deles estivo representado por un máximo de tres traballos inéditos, orixinais e non premiados en ningún concurso anterior.
Declaración de Loito Oficial e Testemuña de Condolencia e Pésame polo falecemento de Manuel Fraga Iribarne
Luns, 16 Xaneiro 2012 19:03
A Corporación Municipal de Verín reuniuse esta tarde, nun Pleno Extraordinario Urxente, co obxecto de realizar unha Declaración de Loito Oficial e Testemuña de Condolencia e Pésame polo falecemento de Don Manuel Fraga Iribarne, onte pola noite, á idade de 89 anos.
O vindeiro venres 20 de xaneiro, de 18 a 19.30 horas, a Biblioteca Pública Municipal de Verín programa a iniciativa 'O abZOOdario', no marco da programación de actividades destinadas ao fomento da lectura e dinamización da instalación municipal.