A Tropa de Trapo actúa en Verín no Día Internacional da Tolerancia
Venres, 12 Novembro 2010 12:11
A compañía A Tropa de Trapo, grupo especializado en narracións orais con música en vivo, actuará o martes día 16 de novembro ás 10.30 horas no IES Xesús Taboada Chivite, co espectáculo Contos coas mans abertas. O acto celébrase con motivo do Día Internacional da Tolerancia, e enmárcase nunha xira -que conta en Verín colaboración do Concello- patrocinada polo Fondo Galego de Cooperación e Solidariedade, que comezou no mes de xuño e rematará en decembro cunha vintena de actuacións.
Entrega de diplomas do 1º Curso de Portugués Técnico
Mércores, 10 Novembro 2010 10:56
O alcalde de Verín, Juan Manuel Jiménez Morán, entregou os diplomas aos/ás alumnos/as participantes no 1º Curso de Portugués Técnico, organizado desde o ente municipal, e enmarcado dentro do proxecto Espazo Xuvenil, dirixido pola Dirección Xeral de Xuventude e Voluntariado da Consellería de Traballo e Benestar da Xunta de Galicia e o Instituto Português de Juventude, e aprobado no marco do Programa de Cooperación Transfronteiriza Galicia-Norte de Portugal 2007-2013 (POCTEP).
Concurso de ideas para a selección do anteproxecto de construción do Centro das Artes Municipal de Verín
Venres, 29 Outubro 2010 16:04
O alcalde de Verín, Juan Manuel Jiménez Morán presentou esta mañá a convocatoria do concurso de ideas destinado a seleccionar un anteproxecto que sirva de base ao proxecto de construción do Centro das Artes Municipal de Verín, grazas ao convenio asinado coa Consellería de Cultura e Turismo, de carácter plurianual, e cunha dotación de 230.000 euros.
A Consellería de Traballo e Benestar concede unha nova escola-obradoiro ao Concello de Verín
Venres, 29 Outubro 2010 16:03
A Consellería de Traballo e Benestar concedeu, por segundo ano consecutivo, ao Concello de Verín unha escola-obradoiro para a formación de 22 persoas desempregadas do municipio -inscritas na Oficina de Emprego como desempregados-, con idades comprendidas entre os 16 e 25 anos.
‘Samhain’ na Biblioteca Pública Municipal de Verín
Luns, 25 Outubro 2010 13:38
Con motivo da celebración do ‘Samhain’, máis coñecida pola súa versión anglo-americana do Halloween -do vocábulo All Hallow´s Eve (Noite de Todos os Santos)-, a Biblioteca Pública Municipal do Concello de Verín realizará, nesta nova edición, as seguintes actividades: