Concello de Verín

A Oficina Municipal de Información Xuvenil do Concello de Verín, dentro do ciclo actividades programadas para o Nadal, abre o prazo de inscrición, a partir do martes 10 de decembro, para formar parte da actividade 'Esquiando en Manzaneda', realizada para que os/as nenos/as de Verín e comarca poidan acudir a esta estación de montaña e así aprender o deporte do esquí.

O vindeiro 3 de setembro, de 18 a 20 horas, na Casa da Xuventude de Verín terá lugar o 'Obradoiro de oratoria motivacional ou coaching (un momento para a reflexión nestes tempos axitados)', unha acción formativa no ámbito da educación non formal que ten por obxecto proporcionar aos mozos e mozas ferramentas en temáticas especialmente sensibles para a mocidade galega.

Unha expedición de corenta nenos/as, con idades comprendidas entre os 8 e 14 anos, participarán do 26 ao 31 de agosto no campamento do Parque Natural do Invernadeiro 2013.

O venres 23 de agosto, de 10 a 13 horas, o autobús Educamóbil desprazarase ata Verín, para ofertar actividades lúdico e educativas a nenos/as con idades comprendidas entre os 4 e 11 anos.

Durante as vindeiras xornadas, os menores da Ludoteca de Verán do Concello de Verín (servizo de conciliación e coeducación “Convive en igualdade”) formarán parte de actividades deportivas, xogos educativos e unha sesión de acampada nocturna.