Concello de Verín

Con motivo da Volta Ciclista a España, o próximo 31 de agosto de 2011 o núcleo urbano de Verín acollerá un trazado de 8,1 quilómetros, neutralizado, co seguinte percorrido: Avenida de Portugal (punto de saída fronte ás piscinas descubertas de A Granxa), As Tuelas, Estrada de Cabreiroá, Constitución, Avenida de Portugal, Avenida Luis Espada, Deputación, IrmánsMoreno, Espido, Canella Cega, San Antón, San Rosendo, Avenida de Sousas e Estrada de Castela (punto de finalización do tramo neutralizado e inicio da saída lanzada).

Con motivo da celebración da novena en honra á Nosa Señora dos Milagres (Baños de Molgas), a Asociación Ruta das Augas promove para o próximo 3 de setembro, a partir das 21 horas e con saída na Casa do Escudo, a quinta andaina popular para os/as veciños/as de Verín.

Durante os días 26 e 27 de agosto, o complexo deportivo A Granxa de Verín acollerá un Torneo de Fútbol-Sala Sub-18, que conta coa colaboración da área de Festexos, Mocidade e Deportes do Concello de Verín.

Durante a xornada de hoxe, cincuenta nenos/as do campamento transfronteirizo ‘Penedos de Xacinto’ de Entrimo visitaron as localidades de Chaves e Verín, co obxecto de coñecer de primeira man as actuacións que se están a desenvolver no ámbito da Eurocidade.

Desde Desenvolvemento Local do Concello de Verín infórmase da publicación da convocatoria de axudas a pemes de Galicia para o desenvolvemento do Programa accións complementarias de iniciación e do Programa de iniciación á exportación (PIPE).