Concello de Verín

O vindeiro 31 de agosto, a localidade de Verín acolle a saída da décimo primeira etapa da 66º Volta a España. Aínda que en anteriores edicións, as rúas de Verín albergaron tramos de etapa desta competición deportiva, esta é a primeira vez que o municipio acolle unha saída da Volta Ciclista a España.

A Aula da Rede de Centros para a Modernización e Inclusión Tecnolóxica da Xunta de Galicia, Rede CeMIT, do Concello de Verín celebrará, do 22 de agosto ao 1 de outubro, distintos cursos de alfabetización dixital adaptados ás necesidades dos usuarios/as.

Mañá 23 de agosto, de 9 a 13 horas, o autobús Educamóbil desprazarase ata Verín, para ofertar actividades lúdico e educativas a nenos/as con idades comprendidas entre os 4 e 11 anos.

Durante a xornada de mañá 23 de agosto, de 10 a 14 e de 16.30 a 20.30 horas, o Banco Municipal de Roupa e Alimentos instalarase na rúa Lisa de Verín co obxecto de vender produtos artesanais, realizados a man, cuxa recadación se destinará á compra de alimentos que serán repartidos por devandito servizo.

A Asociación de concellos das comarcas Monterrei e Conso Frieiras para o plan de competitividade turística e a Asociación de Empresarios de Turismo e Hostalería Portas de Galicia editou dous folletos promocionais sobre obxectivos, actores e produtos autóctonos do mesmo, que serán divulgados durante a Volta Ciclista España, que terá lugar do 20 de agosto (Benidorm) ao 11 de setembro (Madrid).