Concello de Verín

No marco do Programa de envellecemento activo que se está a desenvolver dende os Servizos Sociais Comunitarios de Verín – Área de maiores - este venres día 19 de Xuño no salón de actos da casa da cultura do Concello, realizouse unha Charla – Coloquio relacionada ca defensa dos dereitos das persoas maiores. Ó inicio, unha nena menor de idade, voluntaria na biblioteca Municipal de Verín, leeu o Decálogo dos dereitos das persoas maiores.

Tras ser galardoado no VII Certame de Boas Prácticas, Dereitos da Infancia e Política Municipal (na categoría de 'Dereito a un entorno familiar adecuado') de UNICEF, grazas o programa 'Kero-Kolo' da Escola de Familia, o Concello de Verín acaba de solicitar a adhesión ao Pacto de Estado pola Infancia.

Os alcaldes de Verín e Vilardevós, Juan Manuel Jiménez e Manuel Cardoso, presentaron esta mañá a posta en funcinonamento dunha 'Unidade de condutas aditivas', unha iniciativa impulsada desde os dous municipios co obxecto de fomentar o estilo de vida saudable, no marco do programa de prevención da drogodependencia e outras condutas adictivas no eido local, que conta co apoio da Consellería de Sanidade da Xunta de Galicia.

Desde a Escola de Familia Municipal infórmase da publicación da orde do 29 de xaneiro de 2015, da Consellería de Cultura, Educación e Ordenación Universitaria, pola que se convocan probas para a obtención de determinados carnés profesionais e habilitacións profesionais no ano 2015. Más información no seguinte enlace. Información e tramitación na Escola de Familia Municipal (edificio do antiguo Lavadoiro ou no teléfono 988-411468).

O departamento de Servizos Sociais Comunitarios do Concello de Verín informa, para coñecemento e difusión entre as familias do noso término municipal, que xa está aberto o prazo de solicitude da prestación económica de pagamento único por fillas e fillos menores de tres anos para o exercicio 2015 .