Concello de Verín

O salón de actos do Hospital de Verín acollerá na xornada de mañá 19 de xuño, de 16.30 a 20.30 horas, o obradoiro 'Coidados na Primeira Idade', organizado pola Escola Galega de Saúde para Cidadáns coa colaboración das oficinas de Inclusión Social do Concello de Verín.

Desde os departamento de Servizos Sociais e Centro de Información ás Mulleres (CIM) do Concello de Verín infórmase da publicación das axudas económicas, da Consellería de Traballo e Benestar, para atención da primeira infancia en escolas infantís 0-3 non sostidas con fondos públicos a través do programa Cheque infantil, e se procede á súa convocatoria.

O luns 12 de maio, de 16.30 a 20.30 horas, terá lugar na Casa da Cultura de Verín a xornada 'A enfermidade oncolóxica', organizado pola Escola Galega de Saúde para Cidadáns, coa colaboración do Centro de Saúde de Verín e o departamento de Servizos Sociais do Concello de Verín. (Área de Maiores).

Dende a Concellería de Benestar Social, Servizos Sociais Comunitarios, Área do Maior do Concello de Verín, infórmase que está aberto o prazo para o Programa da Deputación Provincial de Ourense de Termalismo Saudable 2014.

O Concello de Verín, a través da Escola de Familia Municipal, promove a realización do programa de alfabetización de persoas adultas 'Se queres, podes' na localidade.