Concello de Verín

A Casa da Cultura de Verín acollerá mañá xoves, ás 19 horas, a actividade Espazo Interxeracional 'Contacontos', destinado aos/ás nenos/as e persoas maiores, e enfocado a fomentar tarefas cognitivas de atención e concentración na lectura de contos populares, favorecer a participación noutras actividades da comunidade e sensibilizar aos/ás participantes na importancia do alzheimer.

A Casa da Xuventude de Verín acollerá mañá mércores, de 11.30 a 13 horas, a realización do 'Obradoiro de estimulación cognitiva e autoestima', a cargo de Sara Salgado, psicóloga do departamento de Servizos Sociais do Concello de Verín.

Coincidindo coa celebración do Día Mundial do Alzheimer, o vindeiro 21 de setembro, a área de Persoas Maiores de Servizos Sociais do Concello de Verín promove unha semana cultural e deportiva destinada a visibilizar esta enfermidade.

Desde o departamento de Servizos Sociais Comunitarios do Concello de Verín, infórmase que ata o 30 de setembro está aberto o prazo de inscrición para participar na seguna edición do programa Termalismo Saudable 2013, da Deputación de Ourense.

O departamento de Educación Familiar do Concello de Verín, dentro do proxecto de redución do abandono escolar, encárgase da tramitación para asistir a segunda convocatoria das probas destinadas a obtención do título de graduado en educación secundaria no ano 2013.