Do 24 ao 27 de novembro, a Asociación de concellos das comarcas Monterrei e Conso Frieiras para o plan de competitividade turística e a Asociación de Empresarios de Turismo e Hostalería Portas de Galicia participarán na Feira Internacional de Turismo de Interior (INTUR), que se celebra en Valladolid.

Portas de Galicia, xunto co produto turístico Inverno de Entroido -que se presentará durante a feira, consiste na realización de ofertas aos empresarios de hostalería deste municipios para a tempada invernal-, estarán presente no stand de Turgalicia como coexpositor; así como na mesa de contratación de Intur Negocios, que terá lugar nas mañás do 24 e 25 de novembro, para presentar a turoperadores o produto -a asistencia está restrinxida unicamente a profesionais-

O Plan de Competitividade 'Portas de Galicia' está desenvolvido pola S.X. de Turismo do Ministerio de Industria, Turismo e Comercio, Secretaría Xeral para o Turismo da Xunta de Galicia e doce concellos do territorio (Castrelo do Val, Cualedro, Laza, Monterrei, Oímbra, Riós, Verín, Vilardevós, A Gudiña, A Mezquita, Viana do Bolo e Vilariño de Conso), integrados na Asociación de Municipios para o Plan de Competitividade Turísticas das Comarcas de Monterrei e Conso Frieiras, e a Asociación de Empresarios de Turismo e Hostalería Portas de Galicia.

Entre os obxectivos deste plan están a busca de especialización tanto no destino como no produto, deseñar unha oferta capaz de introducir a experiencia turística como elemento motivador do viaxe, así como a búsqueda da mellora da competitividade das PEMES e MPEMES turísticas para lograr a sostenibilidade do territorio.