O xoves día 27 de setembro ás oito da tarde proxectase na Casa da Cultura de Verín a comedia 'Los muertos van deprisa', do guionista e director Ángel de la Cruz, que gañou tres premios Goya, e que é a longametraxe máis premiada do cine galego, con nove premios Mestre Mateo da Academia Galega do Audiovisual.

Los muertos van deprisa, segundo o seu director e guionista, é una comedia como as de antes, e, á vez, un novo xénero, o western atlántico, de substrato popular, onde o realismo máxico serve de catalizador duna hilarante trama de personaxes duros por fóra e tenros por dentro, en clave de retranca (ironía tipicamente galega). Esta longametraxe cóntanos a historia de Irene, unha camioneira que acode a buscar marisco a unha aldea da costa galega, pero queda atascada co camión nunha ponte, impedindo o paso ao cemiterio o día no que van enterrar ao patrón maior da confraría de mariscadores. Os vellos enfrontamentos e diferenzas entre uns e outros acentuaranse enredando a, até ese día, tranquila vida da aldea.

Neus Asensi, actriz catalá recoñecida polos seus papeis de muller explosiva en comedias (Torrente. El brazo tonto de la ley, Torrente 2. Misión en Marbella) é a protagonista deste filme. No reparto, Manuel Manquiña,  Xosé Manuel Oliveira “Pico”,  Antonio Durán “Morris” ou Ernesto Chao, entre outros dos actores galegos máis sobresaíntes neste xénero.

A Deputación de A Coruña, na campaña de promoción turística das comarcas de Ferrol-Eume-Ortegal, financia a exhibición deste filme, que conta coa colaboración da Biblioteca Pública Municipal de Verín.