Concello de Verín

O Concello de Verín gardou esta mañá un minuto de silencio en sinal de dó e solidariedade, sumándose á convocatoria promovida pola FEGAMP como mostra de apoio, respecto e lembranza ás vítimas do accidente ferroviario ocorrido en Adamuz, así como ás súas familias.

O Pleno do Concello de Verín celebrou na mañá de hoxe unha sesión extraordinaria e urxente na que se deu luz verde á regularización administrativa de gastos correspondentes a exercicios anteriores, co obxectivo de garantir a correcta ordenación contable e orzamentaria da actividade municipal.

Esta mañá presentouse en rolda de prensa o cartel anunciador do Entroido de Verín 2026, unha proposta visual que pon o foco na diversidade e na vivencia colectiva desta celebración emblemática. O acto contou coa participación de Samanta Barreira, concelleira de Cultura, Turismo e Festexos, así como de Pruden (Anxo Varela) e Lúa Lomo, integrantes do proxecto creativo Pruden tattoo e autores do cartel.

A Gala de Nadal de AEVER volve ao Pavillón Deportivo de Verín o próximo 4 de xaneiro ás 18:00 horas, cunha proposta familiar chea de humor, música e circo da man de Fran Rei e Félix Rodríguez, que traerán á vila o espectáculo Saaabor de Nadal!, acompañados polas actuacións de Paco Nogueiras e Zirko Txosko.

O ximnasio do Pavillón Municipal de Deportes de Verín será o escenario dun novo obradoiro temático de creación de coroas florais de Nadal. O mesmo está organizado polo Concello de Verín, en colaboración coas florerías locais da vila; realizándose esta edición coa Florería Lirios. Será o sábado 20 de decembro, de 16:00 a 20:00 horas.