Concello de Verín

O Conservatorio Profesional de Música do Concello de Verín (CMUS), e a súa ANPA celebraron onte a entrega dos premios da iniciativa solidaria “Arte e Música”, unha proposta que combina cultura e educación e que culminou cun sorteo de cinco obras doadas por recoñecidos artistas locais.

A Praza García Barbón acollerá este sábado 28 de xuño, ás 12:00 da mañá, unha cita moi especial para o público familiar coa actuación de Xoán Curiel e A Banda do Verán, que presentan en Verín o seu espectáculo en formato a trío baseado no disco-libro Estamos no verán!!!, editado por Edicións Galaxia.

Preto de 400 voluntarios e voluntarias pertencentes a máis de 60 agrupacións de Protección Civil de toda Galicia participarán este sábado, 28 de xuño, nas IX Xornadas de Convivencia de Agrupacións de Voluntarios de Protección Civil, que se celebrarán na zona verde da Preguiza, en Verín. O evento, cun marcado carácter formativo e lúdico, busca recoñecer e poñer en valor a importante labor social e altruísta deste colectivo.

O Concello de Verín anuncia a apertura oficial das súas piscinas descubertas o vindeiro sábado 21 de xuño, dando así comezo á tempada estival 2025 cun espazo de lecer pensado para o disfrute de veciñanza e visitantes.

O  Concello de Verín impartirá un curso oficial,  gratuíto para  desempregados, de socorrismo en instalacións acuáticas.O mesmo terá lugar desde o 1 de xullo ata o 30 de setembro, en horario de 9:00 a 15:00 horas.