Concello de Verín

O Concello de Verín abre o prazo de inscrición para os expositores das feiras de alimentación e artesanía do Lázaro, que terán lugar os días 25 e 26 de marzo na Praza da Mercé. Todas as candidaturas deberán ser formalizadas antes do 6 de marzo de 2023.

Verín quere ingresar na lista das cidades que, coma Londres, Nova Orleans ou Venecia, contan cunha obra orixinal de Banksy. O concello homenaxea o artista e activista social cunha exposición ao aire libre de 24 das súas obras, que conforman un percorrido dunha hora pola vila, e agora cursáronlle unha invitación para que acuda a pintar á vila do Támega.

Mañá xoves 9 de febreiro, o Concello de Verín abre o público a súa tenda oficial do Entroido situada na Praza García Barbón. Esta iniciativa ten como obxectivo recadar fondos para financiar devanditos festexos.

O CEIP Plurilingüe das Vendas da Barreira deseña o cartel oficial que representará o vindeiro 'Desfile Infantil' do Entroido 2023, que percorre durante a mañá do Xoves de Comadres as rúas e prazas de Verín.

O Salón de Plenos do Concello de Verín acolleu esta mañá unha sesión extraordinaria urxente na que se aprobou por unanimidade a adhesión ao convenio que regula a Agrupación de Concellos para desenvolver actuacións de mellora do saneamento no curso alto do río Támega. O obxectivo deste acordo é mellorar os servizos de abastecemento e tratamento das augas residuais.