Concello de Verín

Dez artistas verinenses e dez flavienses participan na exposición de artes plásticas “Eurocidade Chaves-Verín” que a Casa do Escudo de Verín acolle ata o 16 de decembro. Unha mostra que busca estreitar as relacións entre os artistas de Verín e Chaves, a través da participación en exposicións colectivas e a presentación ás respectivas comunidades dun par de obras de cada artista. Este proxecto expositivo retoma o espírito de iniciativas puntuais de colaboración transfronteiriza que se remontan no tempo ás colectivas do Inter-Támega ou ás máis recentes de “Artistas Tamaganos”.

A Casa da Cultura de Verín acollerá mañá, a partir das 20 horas, a presentación ‘Apagón Analóxico’, a cargo de Retegal SA, e na que participarán o director do Departamento de Comunicacións e Relacións Externas da CRTVG, Pastor Lorenzo Sola, o director xeral de Comunicación Audiovisual da Xunta de Galicia, Manuel Fernández Iglesias, ou o alcalde de Verín, Juan Manuel Jiménez Morán, entre outros. Nesta presentación abordaranse cuestións como a transición cara á Televisión Dixital Terrestre (TDT) ou o cesamento das emisións analóxicas en Galicia, que na zona da comarca de Verín producirase o próximo 30 de xuño de 2009.

O Concello de Verín, con motivo do 60 aniversario da Declaración dos Dereitos Humano, organiza a un maratón de relatos, no que intervirán persoas das distintas nacionalidades e etnias que viven na comarca de Verín. O acto para a infancia e a mocidade terá lugar ás 18 horas, na Casa da Cultura; e para os adultos, ás 19 horas, na Biblioteca Pública Municipal. Esta actividade, organizada pola Delegación Municipal de Cultura, conta coa colaboración das oficina municipais de Educación Familiar, Plan Xitano,  Desenvolvemento e Actuación de Acollida e Integración de Persoas Inmigrantes, e a Biblioteca Pública Municipal.

O Concello de Verín con motivo do Nadal 2008/09 organiza as seguintes actividades:

O alcalde do Concello de Verín, Juan Manuel Jiménez Morán, e o delegado da Consellería de Cultura e Deportes, Antonio Blanco Rodríguez, presentaron esta mañá o ciclo 'Músicas Raianas'. 'Músicas Raianas' naceu como proxecto innovador para divulgar as experiencias musicais máis interesantes que se están a desenvolver no ámbito da música popular na Eurocidade Chaves-Verín. Para iso, elixíronse catro formacións musicais de ámbitos tan distintos como a música tradicional, o fado, a unión de bossanova e jazz; e a fusión, para o tradicional cuarto de corda clásico, de músicas que son innovadoras nese repertorio, como as bandas sonoras, os estándar que dominan as listaxes de éxitos, ou o rock sinfónico. O criterio que se seguiu foi o de incluír na programación a dous grupos de Verín e outros tantos de Chaves.