Concello de Verín

Desde Desenvolvemento Local do Concello de Verín infórmase da publicación do nome das entidades colaboradoras que participarán na xestión de subvencións en réxime de concorrencia non competitiva ao Plan Renove de Fiestras.

Esta subvención ten por obxecto a concesión de axudas dirixidas á rehabilitación dos ocos acristalados da fachada, tanto no referente ao acristalamento como aos marcos ou perfís, co fin de acadar melloras significativas na demanda enerxética do edificio e os conseguintes aforros en termos económicos. Na mesma poderán ser beneficiarios as persoas físicas e xurídicas de dereito público ou privado, propietarios ou titulares de calquera dereito sobre inmobles do sector residencial e terciario, comunidades ou mancomunidades de veciños, sempre que a actuación subvencionable descrita no artigo 3 se realice en vivendas ou edificios do sector terciario sitos na Comunidade Autónoma de Galicia.

A reserva de fondos deste plan, que entrou en vigor o 13 de decembro, comeza mañá mércores 11 de xaneiro (como máximo ata o 29 de marzo de 2012 ou ata que se esgote o crédito). As solicitudes e tramitación das subvencións se realizará a través das entidades adheridas, e que están especificadas ao inicio.

Para máis información deben dirixirse á oficina de Desenvolvemento Local, situada no primeiro piso do Concello de Verín ou no teléfono 988-410000.