Programa Erasmus para novos emprendedores e PEMES |
|
|
|
Martes, 13 Novembro 2012 14:01 |
Desde Desenvolvemento Local do Concello de Verín infórmase da publicación do Programa Erasmus para novos emprendedores e PEMES.
Co obxectivo de axudar a novos emprendedores a acadar habilidades para xestionar PEMES, a Unión Europea vén de lanzar o cuarto ciclo do programa europeo de intercambio de emprendedores e empresas -Erasmus for Young Entrepreneurs- que se desenvolve en Galicia coordinado por Uninova (USC) e que estará en vigor ata fin de 2013. Ao amparo deste programa, os emprendedores galegos que teñan un plan de empresa, ou coa súa empresa xa constituída e cun máximo de tres anos funcionando, terán a oportunidade de compartir unha estadía de entre un e seis meses cun empresario experimentado doutro país da UE. Por outro lado, tamén se poden acoller ao programa empresas galegas con máis de tres anos de experiencia interesadas en acoller a un emprendedor doutro país. O Igape colabora na difusión e no desenvolvemento das actividades deste programa, que constitúe unha oportunidade para os emprendedores de aprender de empresarios con máis experiencia que dirixan unha PEME noutro país da UE, facilitándolle o acceso e novos socios, aliados e mercados. Do mesmo xeito, tamén os empresarios participantes poderán abrir o seu mercado a outros países comunitarios.
Para máis información e inscrición, contactar con Uninova (Sociedade para a promoción de iniciativas empresariais innovadoras S.L.): http://www.uninova.org/es/lector.asp?id=68 |