Presentación do proxecto 'Innova 1' en Verín |
|
|
|
Xoves, 22 Novembro 2012 13:15 |
O vindeiro xoves 29 de novembro, ás 19.30 horas, o salón de actos da Casa da Cultura de Verín acollerá a presentación do proxecto 'Innova 1', un sistema ambiental destinado a reutilización de augas grises, e que conta coa colaboración do departamento de Desenvolvemento Local do Concello de Verín, Cámara de Comercio de Ourense -a través da Antena Local de Verín-, Rede de Técnicos de Emprego de Galicia e a Consellería de Traballo e Benestar.
Este sistema, deseñado e fabricado pola firma Bluetek Water Treatment -da que é responsable César Manuel Coelho Nunes, emprendedor e veciño de Verín-, permite a reutilización da auga que pasa polo lavabo e sométea a un eficaz proceso de filtrado e desinfección, é dicir, recolle a auga que flúe polo desaugadoiro do lavabo do noso cuarto de baño, o limpa e o pasa a un tanque de almacenamento para a súa reutilización no inodoro (mediante un triplo proceso interno de reciclaxe).
'Innova 1', que xa foi cualificado como ILE (Iniciativa Local de Emprego) pola Consellería de Traballo e Benestar, está asentado nos conceptos de aforro e respecto polo ambiente, e a súa instalación é apta para todo tipo de establecementos.
Para máis información sobre o proxecto contactar con info@bluetekwater o
Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo
(www.bluetekwater.com) |