Concello de Verín

A Xunta de Goberno da Deputación acordou aproba-las Bases reguladoras da primeira convocatoria do ano 2013 de concurso público para a concesión de bolsas internacionais da Deputación Provincial de Ourense no marco do Programa europeo Leonardo da Vinci.

O obxecto destas bases é a regulación da tramitación e concesión de 45 bolsas individuais de estancias e prácticas laborais en empresas europeas, que teñen como finalidade apoiar aos participantes en actividades de formación para a adquisición de coñecementos, competencias e cualificacións que completen o desenvolvemento persoal e profesional, facilitando a mobilidade dos traballadores en Europa e promovendo o desenvolvemento de prácticas innovadoras e a súa transferencia entre os países participantes, fomentando o perfeccionamento de linguas estranxeiras.

O prazo improrrogable de presentación será de 15 días naturais, contados a partir do día seguinte ó da publicación das bases no Boletín Oficial da Provincia (é dicir ata o 22 de febreiro de 2013).

Pódense ver as Bases no BOP do día 07 de Febreiro de 2013