Medidas de apoio ao emprendedor e de estímulo do crecemento e da creación de emprego |
|
|
|
Martes, 26 Febreiro 2013 13:46 |
Desde Desenvolvemento Local do Concello de Verín infórmase da publicación do Real Decreto-lei 4/2013, do 22 de febreiro, de medidas de apoio ao emprendedor e de estímulo do crecemento e da creación de emprego.
No presente real decreto-lei adóptanse medidas, con carácter de urxencia, dirixidas a desenvolver a Estratexia de Emprendemento e Emprego Novo, a fomentar o financiamento empresarial a través de mercados alternativos, a reducir a morosidade nas operacións comerciais e, en xeral, a fomentar a competitividade da economía española.
Todo iso co obxecto de dotar á economía española de estabilidade macroeconómica tanto en termos de déficit público e inflación coma de equilibrio exterior, lograr unhas entidades financeiras sólidas e solventes, que permitan volver canalizar o crédito cara ao investimento produtivo; e conseguir un alto grao de flexibilidade que permita axustar os prezos e salarios relativos, de forma que se consiga aumentar a competitividade da nosa economía.
Toda a información sobre o Decreto-lei 4/2013, do 22 de febreiro, de medidas de apoio ao emprendedor e de estímulo do crecemento e da creación de emprego no seguinte enlace http://www.boe.es/boe/dias/2013/02/23/pdfs/BOE-A-2013-2030.pdf
|