Últimas prazas do obradoiro de emprendemento rural sustentable en Verín |
|
|
|
Xoves, 12 Setembro 2013 11:28 |
Só quedan catro prazas libres para inscribirse no obradoiro de emprendemento rural sustentable, que terá lugar os días 18 e 19 de setembro na Casa da Xuventude de Verín.As inscricións para participar no mesmo deben realizarse no 698-161760 (Paula) ou no correo electrónico
Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo
.
Devandito obradoiro, que terá lugar de 16 a 21 horas -os dous días-, está dentro do programa De aquí, xusto e ecolóxico. O rural como motor de cambio, organizado por A Cova da Terra, xunto coas ONGD’s Panxea, Sodepaz e Taller de Solidariedade, e a colaboración do departamento de Desenvolvemento Local do Concello de Verín. Neste obradoiro participarán persoas do ámbito da investigación en materia agroecolóxica, como Damián Copena do Grupo de Investigación en Economía Ecolóxica e agroecoloxía da Universidade de Vigo, ou con experiencia práctica no sector da agroecoloxía, como Mario Poti, do proxecto A Facenda do Agro.
O obxectivo do mesmo é achegar á mocidade as diferentes oportunidades laborais que ofrece o noso rural, a partir de conceptos clave como agroecoloxía, sustentabilidade social e medioambiental e cooperación. Os conceptos que se amosarán neste obradoiro de emprendemento rural sustentable son: soberanía alimentar como alternativa, agroecoloxía e a produción ecolóxica, recursos endóxenos como fonte de autoemprego, experiencias agroecolóxicas reais, dinámicas de xeración de ideas de autoemprego e dinámicas de cooperación.
|