Desde Desenvolvemento Local do Concello de Verín infórmase da publicación da resolución do 20 de setembro de 2013, da Secretaría Xeral da Igualdade, pola que se procede á publicación dos requirimentos de emenda de documentación das solicitudes presentadas ao abeiro da Resolución do 10 de xuño de 2013 pola que se convocan para o ano 2013 as axudas do programa Emega para o fomento do emprendemento feminino, cofinanciadas polo Fondo Social Europeo (FSE).
A Secretaría Xeral da Igualdade convocou para o ano 2013, a través da Resolución do 10 de xuño de 2013 (DOG núm. 118, do 2 de xuño), axudas destinadas a incentivar as mulleres emprendedoras de Galicia para a posta en marcha, mellora ou reactivación de iniciativas empresariais como medio adecuado para a súa promoción, participación e progresión no mercado laboral; estas axudas están amparadas no réxime de axudas de minimis e cofinanciadas polo Fondo Social Europeo dentro do programa operativo FSE-Galicia 2007-2013.
A Subdirección Xeral de Promoción da Igualdade, órgano encargado da instrución do procedemento, código SI429A, revisou as solicitudes presentadas ao abeiro da dita resolución e identificou as que se presentaron sen erros e dispoñen da documentación preceptiva así como aquelas que non reúnen algún dos requisitos exixidos.
A base 7ª da resolución pola que se aproban as bases reguladoras destas axudas (Resolución do 14 de maio de 2012; DOG núm. 96, do 22 de maio) dispón no seu punto 4 que, por tratarse dun procedemento de concorrencia competitiva e de conformidade co establecido nos artigos 59.6.b), 60 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común, os requirimentos de emenda poderanse facer mediante publicación no Diario Oficial de Galicia e producirán os mesmos efectos que a notificación individualizada. Esta publicación tamén se realizará na páxina web da Secretaría Xeral da Igualdade.
As solicitudes suxeitas a emenda de documentación– de que son requiridas para que, no prazo de dez (10) días hábiles, contados a partir do día seguinte ao da publicación desta resolución no DOG, emenden a falta ou acheguen os documentos preceptivos conforme se establece nesta resolución. De non o facer, teranse por desistidas na súa petición, logo de resolución, que será ditada nos termos previstos no artigo 42 da Lei 30/1992, do 26 de novembro, pola que se regula o réxime xurídico das administracións públicas e do procedemento administrativo común. En caso de dúbida, dificultades técnicas ou necesidade de máis información durante o proceso de emenda de documentación das solicitudes, poderán dirixirse á Secretaría Xeral da Igualdade, preferentemente a través da conta de correo
Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo
ou ben por calquera dos medios dispostos no artigo 8 da resolución de convocatoria. Devanditas solicitudes de emenda de documentación aparecen en http://www.xunta.es/dog/Publicados/2013/20130926/AnuncioG0244-240913-0002_gl.html
|