Concello de Verín

Desde Desenvolvemento Local do Concello de Verín infórmase da publicación do Real Decreto-Lei 16/2013, do 20 de decembro, de medidas para favorecer a contratación estable e mellorar a empleabilidad dos traballadores.

O presente real decreto-lei busca afondar na promoción do traballo a tempo parcial mediante unha simplificación do seu réxime laboral e incorporar neste cambios dirixidos a que as empresas recorran en maior medida ao traballo a tempo parcial como mecanismo axeitado para unha composición dos equipos laborais adaptada ás circunstancias económicas e produtivas, asegurando, en todo caso, un axeitado equilibrio entre flexibilidade e control. Ademais, do fomento da estabilidade no emprego, ao permitir asinar o denominado contrato de traballo por tempo indefinido de apoio aos emprendedores tamén a tempo parcial, facilitar a formalización de contratos de traballo en prácticas para mellorar a incorporación dos mozos ao mercado laboral, impulsar a contratación e a estabilidade no emprego, acurtar a duración do período de proba nos contratos de duración determinada e incrementar a flexibilidade do tempo de traballo, tanto no referente á distribución irregular da xornada coma a través dunha importante mellora en materia de conciliación da vida laboral e familiar, ao ampliarse o suposto de redución de xornada e de salario por coidado de menores de oito a doce anos.
Máis información en http://www.boe.es/diario_boe/txt.php?id=BOE-A-2013-13426