Concello de Verín

Desde Desenvolvemento Local do Concello de Verín infórmase da publicación da corrección de erros da Orde do 23 de decembro de 2013 pola que se establecen as bases reguladoras para a concesión de axudas ás pemes para o financiamento de actuacións destinadas á prevención, protección, mellora e coñecemento ambiental, cofinanciadas polo Fondo Europeo de Desenvolvemento Rexional, no marco do programa operativo Feder Galicia 2007-2013, ao tempo que se fai pública a súa convocatoria para o ano 2014.

Advertidos erros na orde publicada no Diario Oficial de Galicia número 12, do luns 20 de xaneiro de 2014, cómpre realizar as seguintes correccións:
Na páxina 1935, artigo 4, número 2, letra a), onde di: «Investimentos das empresas solicitantes co fin de acadar unha redución das emisións á atmosfera ou unha mellora da calidade do aire que se poidan encadrar nun dos tres subgrupos de actuacións que se sinalan a seguir:»; debe dicir: «Investimentos das empresas solicitantes co fin de acadar unha redución das emisións á atmosfera ou unha mellora da calidade do aire que se poidan encadrar nun dos dous subgrupos de actuacións que se sinalan a seguir:».
Na páxina 1944, artigo 7, número 1, letra a.2), no punto 1), ao referirse ao contido da memoria técnica que se deberá remitir, concretamente no segundo guión, onde di: «(...) O cálculo da redución das emisións distintas dos GEI deberá estar debidamente xustificado, e para os efectos do seu cómputo considerarase o período anual comprendido entre o 1 de xaneiro e o 31 de decembro de 2014.»; debe dicir: «(...) O cálculo da redución das emisións distintas dos GEI deberá estar debidamente xustificado, e para os efectos do seu cómputo considerarase o período anual comprendido entre o 1 de xaneiro e o 31 de decembro de 2013.».
Na páxina 1949, artigo 9, número 1, primeiro guión, no punto cuarto onde di: «Auditoría para a determinación da pegada de carbono en produto (...)»; debe dicir: «Auditoría para a determinación da pegada de carbono corporativa ou dun produto da empresa».
Na páxina 1963, artigo 15, número 7, onde di: «Cando se trate de actuacións dirixidas á realización dunha auditoría para a determinación da pegada de carbono en produto (...)»; debe dicir: «Cando se trate de actuacións dirixidas á realización dunha auditoría para a determinación da pegada de carbono corporativa ou dun produto da empresa (...)».