Desde Desenvolvemento Local do Concello de Verín infórmase da publicación das bases reguladoras da primeira convocatoria do ano 2014 de concurso público para a concesión de bolsas internacionais da Deputación Provincial de Ourense.
O obxecto destas bases é a regulación da tramitación e concesión de 10 bolsas individuais de estancias e prácticas laborais en empresas europeas, que teñen como finalidade apoiar os participantes en actividades de formación para a adquisición de coñecementos, competencias e cualificacións que completen o desenvolvemento persoal e profesional, facilitando a mobilidade dos traballadores en Europa e promovendo o desenvolvemento de prácticas innovadoras e a súa transferencia entre os países participantes, fomentando o perfeccionamento de linguas estranxeiras.
Beneficiarios Poderán ser beneficiarios deste programa os titulados universitarios. As prácticas poderanse desenvolver en empresas da Unión Europea, preferentemente en Reino Unido e Portugal Será competencia desta Deputación Provincial a adxudicación de destinos para aquelas persoas seleccionadas como bolseiras, en atención ao ámbito de actividade das empresas contactadas en cada país de envío, á adecuación dos candidatos ao programa e o nivel amosado de coñecemento de idiomas estranxeiros.
Requisitos dos beneficiarios Poderán obter bolsa os solicitantes, sempre que cumpran os seguintes requisitos: - Posuír titulación universitaria oficial de grao, licenciatura, diplomatura, Enxeñería, Enxeñería Técnica, Arquitectura, Arquitectura Técnica, acreditadas por universidades españolas ou recoñecidas polo Ministerio de Educación, ou estar en condición de obter a titulación na data na que remate o prazo de presentación de solicitudes. - Posuír coñecemento dalgunha das seguintes linguas cun nivel suficiente para desenvolver unha práctica laboral axeitada ao seu grao de formación académica: portugués e/ou inglés - Posuír coñecementos de informática a nivel de usuario. - Non ter gozado anteriormente dunha bolsa dun programa de Mobilidade Europea para a realización de prácticas laborais no estranxeiro. Aquelas persoas que resultaran beneficiarias dunha bolsa da Deputación de Ourense en anteriores convocatorias, e renunciaran voluntariamente a ela, deberán acreditar suficientemente a existencia de motivos xustificados da renuncia, que non persistan na actualidade, para poder ser novamente beneficiarias dunha bolsa.
Solicitudes: lugar, prazo de presentación e documentación 1. Ao abeiro do establecido no artigo 7.2.d) da Ordenanza reguladora do acceso electrónico aos servizos provinciais (BOP de Ourense n.º 296, do 28 de decembro de 2009), a presentación de solicitudes tramitarase exclusivamente mediante o uso de medios electrónicos, sendo obrigatoria a presentación de solicitudes por vía telemática, de conformidade co previsto nesta base. 2. O formulario de solicitude de bolsas internacionais reguladasnestas bases só se poderá obter, cubrir, validar e transmitir a través da plataforma web: http://becasinternacionais.depourense.es O proceso de solicitude farase en dous pasos: 1) realización e xeración/validación da solicitude e 2) rexistro telemático da solicitude. 2.1 En primeiro lugar, deberase cubrir o formulario da solicitude e anexar, de ser o caso, os documentos valorables non obrigatorios aos que se fai referencia nesta base quinta punto 5.b). A realización do formulario completarase no momento de xeración/validación da solicitude no que se procederá a gravar estes datos impedindo a súa modificación posterior. 2.2 En segundo lugar, procederase ao rexistro telemático da solicitude xa xerada. Este procedemento tramitarase a través do Rexistro Electrónico Xeral da Deputación de Ourense, localizado no enderezo http://portelo.depourense.es. Para proceder ao rexistro telemático será preciso facelo, ou ben, utilizando o DNI electrónico do/a solicitante, ou ben, solicitando e autorizando aos funcionarios habilitados para rexistrar electronicamente na Deputación de Ourense que fagan no seu nome o correspondente rexistro electrónico da súa solicitude. Esta solicitude/ autorización farase a través do propio formulario de solicitude de bolsa no que se prevé esta opción. Unha vez completado correctamente o proceso, xerarase o documento acreditativo da solicitude rexistrada. A posibilidade de contar con apoio técnico para resolver posibles dúbidas que poidan presentarse na realización e tramitación da solicitude estará operativa ata as 14.30 h do último día do prazo. 3. Cada peticionario/a só poderá solicitar unha bolsa ao abeiro desta convocatoria, aínda que posúa máis dunha titulación. A declaración de posuír titulación universitaria oficial indicada no formulario da solicitude será suficiente para tramitar a solicitude da bolsa, sen prexuízo da necesidade de que os beneficiarios acrediten a posesión do título conforme co establecido na base 10ª. 4. O prazo improrrogable de presentación será de 15 días naturais contados a partir do día seguinte ao da publicación (13 de marzo de 2014) destas bases no Boletín Oficial da Provincia. O establecemento deste prazo xustifícase pola necesidade de axilizar ao máximo a tramitación do procedemento, por mor da peculiar dificultade que supón a xestión das estancias dos bolseiros nos seus destinos no estranxeiro. 5. As solicitudes deberán formularse achegando a seguinte documentación, en formato electrónico: a) Documentación administrativa: 1.- Formulario de solicitude dirixido á Presidencia da Deputación axustada ao modelo oficial, que só se poderá obter a través da plataforma informática:http://becasinternacionais.depourense.es Neste formulario, ademais dos datos persoais e académicos do/a solicitante, contense unha declaración responsable comprensiva do feito de non atoparse incurso/a o/a solicitante nas prohibicións recollidas no artigo 13 da Lei xeral de subvencións, incluíndo unha referencia expresa á circunstancia de estar ao día nas súas obrigas tributarias e de Seguridade Social. O/A solicitante deberá sinalar no espazo correspondente que se atopa nesta circunstancia. b) Documentación para a valoración da solicitude: 1.- Certificado(s) de empadroamento do solicitante ou volante de empadroamento, expedido cunha antigüidade máxima dos tres (3) meses anteriores á data desta convocatoria, acreditativos(s) da súa residencia nos últimos 2 anos. 2.- Xustificante acreditativo de ter obtido o título académico invocado no Campus de Ourense (Universidade de Vigo) ou no Centro Asociado da UNED de Ourense.
Máis información no seguinte BOP.
|