Concello de Verín

Durante estas tres semanas, un centenar de alumnos/as do colexio María Inmaculada visitarán a Biblioteca Pública Municipal de Verín, dentro do programa de actividades organizadas ao longo do curso escolar por esta instalación.

As visitas que terán lugar hoxe e o 24 de novembro están destinadas a nenos/as con idades entre os 12 e 13 anos, mentres que a o 30 de novembro e 1 de decembro son para alumnos/as de 6 a 9 anos. Nas mesmas coñeceran o servizo bibliotecario e funcionamento do mesmo -inclúe tamén explicación de todos os espazos físicos-; así como, as diferentes actividades educativas e lúdicas que se programan ao longo do ano. Todas elas destinadas a fomentar o interese pola lectura e cultura nos/as nenos/as do municipio, dinamizar a biblioteca e propiciar a labor de voluntariado entre os/as usuarios/as da mesma.

Esta visita constitúe a sexta destas características, organizada pola Biblioteca de Verín nos últimos tres anos, xa que en ocasións anteriores acudiron os/as alumnos/as do Colexio Rural Agrupado de Monterrei, CEIP O Castiñeiro de Laza, CEIP Princesa de España e tamén do Colexio María Inmaculada.