O Plan de Competitividade Portas de Galicia xa ten presenza no espazo virtual e nas redes sociais. A través dunha páxina en Facebook, perfil en Twitter, canle en YouTube, SlideShare, Flirck e ikiMap daranse a coñecer todas as accións desenvolvidas dentro desde proxecto e no marco do produto turístico “Inverno de Entroido”.
A primeira das actividades de promoción consiste no lanzamento de sendos concursos nas redes sociais Facebook e Twitter. Ata o vindeiro venres 16 de decembro os usuarios que se fagan fans ou seguidores das contas de Portas de Galicia e contesten á pregunta “Cal é a túa razón para descubrir Portas de Galicia?” poderán ganar estancia nun aloxamento das comarcas de Monterrei e Conso-Frieiras.
No caso concreto da páxina de Facebook, os interesados teñen que facerse seguidores da páxina, contestar á pregunta “Cal é a túa razón para descubrir Portas de Galicia?” e compartila no seu muro. O gañador dunha escapada romántica no Hotel&Spa Vilavella (A Mezquita) para dúas persoas será aquel que consiga o maior número de “Gústame”.
En Twitter, a mecánica do concurso é similar. Os usuarios deber seguir a conta de Portas de Galicia nesta rede social @puertasgalicia e “tuitear” a razón pola que lles gustaría visitar a zona, sen esquecerse de engadir o “hashtag” #puertasdegalicia. Rematado o prazo, realizarase un sorteo automático dunha escapada de inverno para dúas personas no Hotel Mesón de Erosa (A Gudiña) entre todos os participantes.
O Plan de Competitividade Portas de Galicia está desenvolvido pola S.X. de Turismo do Ministerio de Industria, Turismo e Comercio, Secretaría Xeral para o Turismo da Xunta de Galicia e doce concellos do territorio (Castrelo do Val, Cualedro, Laza, Monterrei, Oímbra, Riós, Verín, Vilardevós, A Gudiña, A Mezquita, Viana do Bolo e Vilariño de Conso), integrados na Asociación de Municipios para o Plan de Competitividade Turística das comarcas de Monterrei e Conso-Frieiras, e a Asociación de Empresarios de Turismo e Hostalería Portas de Galicia. Entre os obxectivos deste plan están a busca de especialización tanto no destino como no produto, deseñar unha oferta capaz de introducir a experiencia turística como elemento motivador do viaxe, así como a busca da mellora da competitividade das PEMES e MPEMES turísticas para lograr a sostenibilidade do territorio.
Ligazóns:
Páxina corporativa en Facebook http://www.facebook.com/PuertasDeGalicia
Perfil de usuario en Twitter http://twitter.com/PuertasGalicia.
Canle de YouTube http://www.youtube.com/user/puertasdegalicia
Conta de usuario en SlideShare http://www.slideshare.net/puertasdegalicia
Conta de usuario en Flickr http://www.flickr.com/photos/puertasdegalicia
Conta de usuario en ikiMap http://www.ikimap.com/user/puertasgalicia
|