Concello de Verín

Esta semana finalizou o viaxe de prensa que un grupo de profesionais dos medios de comunicación realizou polas comarcas de Monterrei e Conso-Frieiras convidados polo Plan de Competitividade Turística Portas de Galicia para coñecer a zona.

O grupo estivo formado por profesionais do programa de radio Gente Viajera, o suplemento de viaxes de El Mundo Siete Leguas, das revistas Más Viajes, Turismo Rural, Viajes por Excelencias, Viajeros, Revista Iberia; da web Planeta Sapiens e de Expansión.

Durante as tres xornadas programadas, tres días e dúas noites, os xornalistas coñeceron gastronomía, natureza, cultura, costumes, festas e  arquitectura desta parte de Galicia. Entre outros puntos de interese, o grupo achegouse ao Parque Natural do Invernadoiro, castelo de Monterrei e a súa contorna, museo-taller do Entroido e adegas da DO Monterrei. Ademais, puideron experimentar un circuíto termal e saborear algúns pratos da cociña típica desta zona.