Concello de Verín

¿Cal é a túa razón para descubir Portas de Galicia? A resposta a esta sinxela pregunta foi o único requisito que tiveron que cumprir Rosaura Romo e Beatriz Conejo para ganar unha estancia cada unha para dúas persoas nun aloxamento adherido ao Plan de Competitividade Turística. O nome das afortunadas coñeceuse onte, último día de participación.

A semana pasada, Portas de Galicia lanzou sendos concursos nas redes sociais Twitter e Facebook para promocionar o territorio entre a comunidade virtual. Despois dunha semana de participación e 48 respostas enviadas por outros tantos fans, Beatriz Conejo –que nunca estivo en Galicia- foi a usuaria que más “Me gusta” recibiu, 284, polo seu comentario en Facebook. O seu premio é unha escapada romántica ao Hotel&Spa Vilavella (A Mezquita) para dúas personas. En concreto, a súa razón para coñecer Portas de Galicia foi: “Me encantaría conocer Galicia ya que no he estado nunca. Mejor hacerlo yendo a un buen hotel como este. Sería perfecto para una escapadita en familia”.

No caso de Twitter, o “tuit” elixido por sorteo automático entre un total de 15 entradas foi o de Rosaura Romo. A súa resposta: “Mi razón: que sería el regalo perfecto para mi cumple. ¡Es hoy!”, que enviou xusto pouco antes de que comezase o concurso. Neste caso, o premio é unha escapada de inverno para dúas persoas no Hotel Mesón de Erosa (A Gudiña).

Ademais de Facebook e de Twitter, o Plan de Competitividade Portas de Galicia conta web propia puertasdegalicia.com, canle en YouTube e contas en SlideShare, Flirck e ikiMap a través das que se dan a coñecer todas as accións desenvolvidas dentro deste proxecto e no marco do producto turístico “Invierno de Entroido“.
O Plan de Competitividade Portas de Galicia está promovido pola S.G. de Turismo do Ministerio de Industria, Turismo e Comercio, a Secretaría Xeral para o Turismo da Xunta de Galicia e doce concellos do territorio (Castrelo do Val, Cualedro, Laza, Monterrei, Oímbra, Riós, Verín, Vilardevós, A Gudiña, A Mezquita, Viana do Bolo e Vilariño de Conso), integrados na Asociación de Municipios para o Plan de Competitividade Turística das comarcas de Monterrei e Conso-Frieiras, e a Asociación de Empresarios de Turismo e Hostelaría Puertas de Galicia. Entre os obxectivos deste plan están a busca de especialización tanto no destino como no produto, deseñar unha oferta capaz de introducir a experiencia turística como elemento motivador da viaxe, así como a busca da mellora da competitividade das PEMES e MPEMES turísticas para lograr a sostenibilidade do territorio.