Concello de Verín

O Plan de Competitividade Turística de Portas de Galicia organiza as primeiras xornadas formativas dirixidas ao empresariado, aos traballadores e aos profesionais directos e indirectos do sector turístico situados no seu ámbito de actuación do xeodestino Verín-Viana.

O obxectivo principal destas xornadas é o incremento da calidade e da competitividade turística dos establecementos de turismo para contribuír a dar un impulso importante a esta actividade económica no territorio. Ademais, durante as sesións tamén se está presentando o Plan de Competitividade Turística Portas de Galicia entre todos os axentes turísticos da zona co fin de dalo a coñecer e propiciar a implicación do empresariado a través da proposta de ideas e colaboración nos proxectos xa que constitúen un alicerce fundamental no destino turístico.

A continuación expóñense as datas nas que se celebran os cursos. O último terá lugar esta tarde ás 17:00 horas no Concello de Verín.

O Plan de Competitividade Portas de Galicia está desenvolvido pola S.X. de Turismo do Ministerio de Industria, Turismo e Comercio, Secretaría Xeral para o Turismo da Xunta de Galicia e doce concellos do territorio (Castrelo do Val, Cualedro, Laza, Monterrei, Oímbra, Riós, Verín, Vilardevós, A Gudiña, A Mezquita, Viana do Bolo e Vilariño de Conso), integrados na Asociación de Municipios para o Plan de Competitividade Turística das comarcas de Monterrei e Conso-Frieiras, e a Asociación de Empresarios de Turismo e Hostalería Portas de Galicia.

Entre os obxectivos deste plan están a busca de especialización tanto no destino como no produto, deseñar unha oferta capaz de introducir a experiencia turística como elemento motivador da viaxe, así como a busca da mellora da competitividade das PEMES e MPEMES turísticas para lograr a sostenibilidade do territorio.